Хабарҳо
Иштироки Амонатбонк дар маросими кушодашавии барномаи GEFF Tоҷикистон II
Имрӯз дар шаҳри Душанбе бо ташаббуси Бонки Аврупоии Таҷдид ва Рушд маросими кушодашавии барномаи GEFF (Green Economy Financing Facility) Tоҷикистон II баргузор гардид. Дар маросими мазкур Раиси Раёсати КВД БА ҶТ “Амонатбонк” муҳтарам Сироҷиддин Икромӣ иштирок намуданд.
Таҳлили фаъолият ва хавфҳои коррупсионӣ дар КВД БА ҶТ «Амонатбонк»
Санаи 21 сентябри соли 2023 ҷаласаи навбатии гурўҳи кории доимоамалкунандаи Бонк оид ба таҳлили фаъолият ва хавфҳои коррупсионӣ дар КВД БА ҶТ «Амонатбонк» таҳти роҳбарии Муовини Раиси Раёсати Бонк Ризвонзода Ф.З. ва бо иштироки намояндагони Агентии назорати давлатии молиявӣ ва мубориза ба коррупсияи Ҷумҳурии Тоҷикистон, сардори раёсати муқовимат ба коррупсия Нигора Муқимӣ ва муовини сардори раёсати муқовимат ба коррупсия Насрутдинзода Қиёмиддин, баргузор гардид. Рўзномаи ҷаласаи мазкур ба баррасии натиҷаи давраи якуми таҳлили фаъолият ва вазифаҳо барои давраи дуюми таҳлили фаъолият гуруҳи корӣ бахшида шудааст. Ҷаласаро Муовини Раиси Раёсати Бонк Ризвонзода Ф.З ҳусни ифтитоъ бахшида, оид ба корҳои анҷомдодашуда дар ин давра маълумот доданд.
Иштироки гурӯҳи кории КВД БА ҶТ "Амонатбонк" дар ҷаласаи 29-уми Гурўҳи минтаҷавии Осиё ва Форуми ҷаҳонии молиявии соҳибкории хурду миёна дар соли 2023
Аз санаҳои 11-14 сентябри соли 2023, гурўҳи кории Корхонаи воҳиди давлатии "Бонки амонатгузории Ҷумҳурии Тоҷикистон "Амонатбонк"" дар чорабинии Ҷаласаи 29-уми Гурўҳи минтаҷавии Осиё ва Форуми ҷаҳонии молиявии соҳибкории хурду миёна дар соли 2023, ки бо ташаббус ва даъвати Институти умумиҷаҳонии бонкҳои амонатгузор ва чакана (WSBI) дар ҳамбастагӣ бо Бонки давлатии Ҳиндустон дар шаҳри Мумбайи Ҷумҳурии Ҳиндустон баргузор гардид, иштирок намуданд.
Оғози ҳамкориҳои судманд байни КВД БА ҶТ «Амонатбонк» ва ТС «Халқ-Бонк»-и Ҷумҳурии Узбекистон
Санаи 15 сентябри соли 2023 мулоқоти Раиси Раёсати Амонатбонк муҳтарам Икромӣ Сироҷиддин Салом бо роҳбари ҳайати ТС «Халқ-Бонк»-и Ҷумҳурии Узбекистон - муовини Раиси Раёсати Халқ-Бонк муҳтарам Дилшод Қутлиев баргузор гардид, ки дар он нақшаҳои оғози ҳамкориҳои дуҷониба ва дурнамои рушди он мавриди муҳокима қарор дода шуданд.
Дарси омўзишӣ дар мавзўи «Қонунгузории зиддикоррупсионии Ҷумҳурии Тоҷикистон» дар Амонатбонк
Санаи 5 сентябри соли 2023 дар бинои дастгоҳи марказии Бонк аз ҷониби ҳуқуқшиноси асосии дастгоҳи Раиси Раёсати КВД БА ҶТ “Амонатбонк” Юсупов Б.Г бо иштироки шахсони мутасаддии филиалҳои Амонатбонк дар шаҳри Душанбе ва ноҳияҳои тобеи марказ дарси омўзишӣ дар мавзўи «Қонунгузории зиддикоррупсионии Ҷумҳурии Тоҷикистон» гузаронида шуд.