Ҳафтаи байналмилалии молиявӣ (Global Money Week)

Санаи 18-уми апрели соли ҷорӣ дар доираи ҳафтаи байналмилалии молиявӣ, дар Муассисаи давлатии таълимии литсейи №5 дар шаҳри Душанбе бо иштироки муҳассилини литсей чорабинии омӯзишӣ баргузор гардид.

Дар чорабинии мазкур мутахассисони Амонатбонк оид ба таърихи пайдоиши пул, намудҳои пул, самаранок истифода бурдани маблағи худ, аввалин даромад, тарзи дурусти пасандоз намудан ва дигар мавзуҳо ба иштирокдорон маълумоти муфассал пешниҳод намуданд.

Иштирокчиёни чорабинии омӯзишӣ ба мавзуҳои зерин мароқ зоҳир намуда, ба мутахассисони Бонк суолҳои хешро иброз дошта, ҷавобҳои мушаххас гирифтанд.

Ҳамзамон ба кулли иштирокчиён туҳфаҳои хотирмон бо рамзи Амонатбонк тақдим карда шуд.